Partia Socialdemokrate ka mbajtur një aktivitet simbolik tek kisha ortodokse e vendosur në oborrin e Univeristetit të Prishtinës.

Zgjim Hyseni, nënkryetar i Partisë Socialdemokrate tha se të enjten simboli i shovinizmit u bë faltore.

“Të enjten në këtë objekt u mbajt një liturgji kishtare ortodokse. Në mes të ditës, në mes t’ë Prishtinës, para hundëve të krejt institucioneve, simbolin e shovinizmit duan ta bëjnë faltore. Jemi këtu për një deklaratë: Simboli i shovinizmit nuk mund të jetë shtëpi e Zotit. Nuk e kemi ditur, tha Ministri i Kulturës. Nëse është kështu, atëherë ky është një dështim i madh. Ministri i Brendshëm duhet të jap dorëheqje, AKI duhet të përgjigjet gjithashtu. Kosova qenka krejt e pasigurtë nën udhëheqjen e tyre,” është shprehur Hyseni.

Ky objekt është ndërtuar nën masa të dhunshme duke uzurpuar hapësirën e universitetit. Ky objekt për shumicën dërmuese të njerëzve është simbol segregimi, ky objekt brenda hapësirës se universitetit është kujtimi i një projekti për asimilimin e shqiptarëve të Kosovës.

Sipas Hysenit, ky objekt, bashkë me kohën e ndërtimit dhe vendndodhjen e tij është muze që na kujton çdo ditë se deri në çfarë hataje mund të shkojë përdorimi politik i religjionit.

“Megjithatë, ngjarja e djeshme duket të jetë vetëm fillimi i një procesi. Rreziku që na pret është përfshirja e këtij objekti në dialogun që po fillon. Bëhet fjalë për një zonë të mbrojtur e të mbyllur në qendër të Prishtinës. Kjo nuk është rruga e bashkjetesës”, është shprehur Hyseni./arbresh.info/